გული მწყდება, რომ ვერასდროს ვერ ვნახავ ქართულ ისტორიულ სერიალს დავით აღმაშენებლის ან სხვა მეფის ზეობის ხანის შესახებ. შეიძლება ვნახო კიდევაც, მაგრამ ის არასდროს არ იქნება ისეთი კარგი და ხარისხიანი, როგორიც ჩემი პოსტოს სათაურია. რატომ?
1) ფილმში იქნებიან დუტა, ნანკა, რუსკა, მუსკა და ყველა ის ადამიანი, ვისი დანახვაც აღარ შეგვიძლია. თან მე მეჩვენება თუ მართლა ასეა, არ ვიცი-ყველა როლში ერთნაირი არიან. განსაკუთრებით ნანკა, ან განსაკუთრებით დუტა, ან განსაკუთრებით ნებისმიერი მათგანი.
2) ფილმი შეიძლება გადაიღოს არაქართველმა რეჟისორმა, არაქართველი, მოუბეზრებელი მსახიობების მონაწილეობით. ამას მგონი ისევ ზემოთა ვარიანტი ჯობია: ქართულ ხასიათს და მომენტებს ვერ დაიჭერს უცხოელი კარგად, თან ინგლისურად ამეტყველებული თამარ მეფე ცოტა უცნაურია, მსუბუქად რომ ვთქვათ.
რატომ მომწონს ტიუდორები ასე ძალიან? ნებისმიერ ბრიტანელს შეუძლია გადაშალოს ისტორიის წიგნი, წაიკითხოს, გაეცნოს, მერე ჩართოს სერიალი და უყუროს იგივეს, დეტალებით, კოსტიუმირებით, მეთხუთმეტე საუკუნის ინგლისის აღწერით, პლიუსებით და მინუსებით.
ვაღიარებ, რომ მსოფლიო ისტორია კარგად არ ვიცი (ნანა მას, ამ პოსტს თუ კითხულობთ, თქვენი ბრალია, იცოდეთ). მაგრამ ის ადამიანები, ვინც ამ საკითხში კარგად ერკვევიან ამბობენ, რომ სერიალი არ ცდება ისტორიულ ფაქტებს და არაფერი არ არის დიდად დამახინჯებული.
ერთადერთი, მეფე ჰენრი მერვე გაცილებით უსიმპატიოა, ვიდრე მისი როლის შემსრულებელი ჯონათან რის მეიერსი 
:
კოსტიუმები უკვე ვახსენე. რამდენჯერ ვინატრე ანა ბოლეინის კაბები, ღრმა დეკოლტით და ულამაზესი ფერებით. თან, შუასაუკუნეების კაბები ძალიან, ძალიან ეშმაკურადაა მოწყობილი: მკერდი არ გაქვს? კორსეტში გექნება; გასუქდი? იმხელა კაბაში არც გამოჩნდება, მთლად სპილო თუ არ ხარ; და ა.შ.
მაგალითად, ეს წითელი კაბა ძალიან მომწონს <3
გვირგვინები! თავხედურად მინდება ბრიტანეთის სამეფო დინასტიის სადედოფლო გვირგვინების მორგება
არ შეიძლება ასეთივე სერიალი გვქონდეს ჩვენს მეფეებზე? : ( თვალსაჩინოდ რომ ვნახოთ, როგორ ცხოვრობდნენ, რა ეცვათ, როგორ ლაპარაკობდნენ, რა ხდებოდა საერთოდ იმ დროს, ხდებოდა კი ის, რასაც ისტორიის წიგნში ვკითხულოთ?
პოსტის დასაწყისში ხსენებული ორი მიზეზის გამო გამორიცხულია, რომ ქართული ისტორიული სერიალი მომეწონოს. მანამდე კი ტიუდორებს ვუყურებ და ყველას გირჩევთ.
Like this:
2 bloggers like this post.
რობინ, რა ლამაზი ხარ <3
