ახლა დავიძინებ და ხვალ ყველა ჩემი პრობლემა და წუხილი უფრო მსუბუქი და უმნიშვნელო მომეჩვენება.

ძილის წინ შეიძლება ისევ დავიძაბო, ტვინი ახმაურდეს, აზრებმა ხმამაღლა ისაუბრონ ერთმანეთში, მაგრამ ჩემი ძველი მეგობარი ძილი ყველას გააჩუმებს.

ვიძინებ.

გუშინწინ გამოცდა ვწერე. დაგვირიგეს თაბახის სამი ფურცელი და უნდა გაგვევსო. ვგრძნობდი, რომ იდეები მომდიოდა, მაგრამ ქაღალდზე გადმოტანა მეზარებოდა, ხელი მეღლებოდა, მაჯა მტკიოდა.. აზრებს ვკვეცდი, ვამოკლებდი, შინაარსს გადმოვცემდი და მოკლედ ვაყალიბებდი. ეს ყველაფერი კი მარტო იმიტომ, რომ ხელით არ მეწერა და მალე დავხსნოდი ამ სატანჯველს : )

და მაშინ დავფიქრდი პირველად: ახლა რომ ლეპტოპი დამდიგან წინ და ეს ყველაფერი ვორდის ფაილში ამაკრეფინონ, გაცილებით უკეთეს ქულას მივიღებდი და უფრო თავისუფლადაც ვიმსჯელებდი-მეთქი ( ისიც გამახსენდა, რომ ჩემი დღიურების წერის მრავალწლიანი ტრადიცია ჯერ შესუსტდა, მერე კი საერთოდაც გაქრა).

დღეს მარტო ყვითელ სტიკერებზე მიწევს რაღაცის ჩანიშვნა და რამდენიმე განაცხადის ხელით შევსება. ყველაფერმა დანარჩენმა ციფრული ხასიათი მიიღო და წკაპ-წკუპ რეჟიმში კალმიდან კლავიატურაზე გადაინაცვლა.

იმედი მაქვს, რომ მალე გამოცდებსაც ვორდში ავკრეფთ და ყველანი უფრო პროდუქტიულნი ვიქნებით ^_^

მაგალითად, დღეს ფეხსაცმელების მაღაზიაში ვიყავი. სკამზე ჩამოვჯექი და ხალხის თვალიერება დავიწყე. ჩემი ყურადღება ორმა ქალმა მიიპყრო, სავარაუდოდ, დედა-შვილმა. შვილი ქერა, გამხდარი გოგო იყო, ოცდაშვიდი-ოცდარვა წლის. შავ ფეხსაცმელს იზომებდა. დედა ორმოცდაათი წლის იქნებოდა, დანაოჭებული სახით და ხაკისფერი პალტოთი. შვილს არჩეულ ფეხასმელს უწონებდა და ხელში ფულს სრესდა. ფული დაკუჭული, ათასი ადამიანის ხელში გამოვლილი და ძველი იყო, ორმოცდაათ და ასლარიანები. ატრიალებდა ამ კუპიურებს ხელში და ეხვეწებოდა, ვიყიდოთო. შვილი ყოყმანობდა, ფეხსაცმელს ხელში ატრიალებდა, ყოველ ნაკერს უმოწმებდა, კიდევ ერთხელ იზომებდა და ვერ გადაეწყვიტა, როგორ მოქცეულიყო. ალბათ, არ მუშაობდა და საკუთარი ფული არ ჰქონდა. დედამისს კი ის დაკუჭული ფული წვალებით ჰქონდა გადანახული თავისი შემოსავლიდან და შვილისთვის საჩუქრის გაკეთება უნდოდა.  არ ვიცი, იყიდეს თუ არა, მე უკვე სხვა წყვილს ვუყურებდი, ხანში შესულ ცოლ-ქმარს. ქალი თავისთვის ქუსლიან ფეხსაცმელს არჩევდა. თხელი, ლამაზი ფეხები ჰქონდა და, პრინციპში, ყველაფერი უხდებოდა. მიუხედავად ამისა, მაინც პრეტენზიული იყო. ბევრ წყვილს იზომებდა და ყველას ქმარს აჩვენებდა, რომელიც გულწრფელად იყო დაინტერესებული საუკეთესო ვარიანტის შერჩევით. ქალს ლამაზი ქურქი ეცვა. და ფეხსაცმელიც ლამაზი უნდოდა. ალბათ, რამდენიმე შვილი ჰყავთ. ქმარი მთელი ცხოვრება მუშაობდა, ცოლი კი ოჯახში ტრიალებდა. თავის დროზე მოსკოვი და მისთანებიც ექნებათ მოვლილი, ქურქიც იქ ნაყიდი. სახლში ძველებური ავეჯი ედგებათ  და ექნებათ ტრადიცია, რომლის მიხედვითაც საღამოს მთელი ოჯახი ერთად სვამს ჩაის.

მერე კი მეც წამოვედი. სულ დამავიწყდა ის მენახა, რისთვისაც მივედი-ფეხსაცმელები.

მაგალითად, დღეს. ისეთი დღეა, როდესაც ყველა ერთმანეთთან მიდის და ქეიფობს. ქეიფი დიდად არ მიყვარს, მხოლოდ მეგობრებში, ისიც იშვიათად. ამიტომ, დავრჩი სახლში და იდეალური საღამო მოვიწყე.

პირველ რიგში, დავიწყე ფილმების გადმოწერა. სანამ იტვირთებოდა, თავში გენიალური აზრი მომივიდა: რატომ არ ვაქციო ზურგი ტრადიციულ საახალწლო მენიუს, არ გავვარდე გუდვილში და არ შევიძნო ბოთლი ლუდი და ჩიფსები?

ასეც მოვიქეცი:

შუქი ყველა ოთახში ჩავაქრე, ტელეფონები გამოვრთე და The Dreamers ჩავრთე.

მიყვარს ასეთი საღამოები, როდესაც მე და წიგნი, მე და ფილმი, მე და მუსიკა მარტო ვრჩებით და არავინ ამქვეყნად ხელს არ გვიშლის.

ასე ივსება ჩემი ენერგიის მარაგი.

დაე, 2012 წელი ყველას სიამოვნებით და ღიმილით გვახსენდებოდეს!

                                    Rupert Sanderson Harper Platform Suede Pumps $719

                               Rupert Sanderson Red Leather Ankle Boot $1,095

                            Brian Atwood Suede Overlasted Platform Ankle Boots $709

                                    Rupert Sanderson High Heel Pumps $675

და ბოლოს, საყვარელი ფლეტები : )

                                TORY BURCH Eddie Bow Ballet Flat Black Leather $250

                                            MOSCHINO C&C Tan Silk Dress $900

                             Carter Dress Waders Green Croc Jacquard $850

                                       Jil Sander Luster cotton-blend dress $1,615

                              Victoria Beckham Belted silk-gazaar dress $3,120

                            Erdem Delal lace-appliquéd stretch-crepe dress $4,085

არც კი ვიფიქრებ თქვენზე მანამ, სანამ მეხუთე სეზონს ბოლომდე არ დაამთავრებთ!

<3

ძალიან სასიამოვნოა, როდესაც ხალხზე ასეთ შთაბეჭდილებას ახდენ.

და მინდა, რომ ენერგია და ძალა ბოლომდე გამყვეს იმის საკეთებლად, რაც მართლა მიყვარს და მსიამოვნებს.

მოკლედ, ყველაფერი იქით იყოს და არასდროს ვყოფილვარ ასე ამაყი საკუთარი ძალებით. ფაქტობრივად, შევძელი ის, რასაც მეგონა, რომ ვერ მოვასწრებდი. აქვე მადლობა ადამიანებს, რომლებმაც ამაში ხელი შემიწყვეს.

ძლივს მოვიდა მშვიდი შაბათი: არსად არ ვარ გასაქცევი, არსად არ მეჩქარება. შემიძლია მშვიდად ჩავწვე ლოგინში, მოვრჩე ამ გაციებისგან, რომელიც უკვე ორი კვირაა, რაც მტანჯავს და დაველოდო ახალი სამუშაო კვირის მოსვლას.

Filed under: უნივერსიტეტი, ყველაფერი ჩემ შესახებ ]]> http://papalam.wordpress.com/2011/12/17/247/feed/ 0 Dissolved Girl PERSONAL-ASSISTANT http://papalam.wordpress.com/2011/12/07/%e1%83%93%e1%83%a6%e1%83%98%e1%83%a1-%e1%83%a4%e1%83%9d%e1%83%a2%e1%83%9d%e1%83%94%e1%83%91%e1%83%98-3/ http://papalam.wordpress.com/2011/12/07/%e1%83%93%e1%83%a6%e1%83%98%e1%83%a1-%e1%83%a4%e1%83%9d%e1%83%a2%e1%83%9d%e1%83%94%e1%83%91%e1%83%98-3/#comments Wed, 07 Dec 2011 14:46:24 +0000 Dissolved Girl http://papalam.wordpress.com/2011/12/07/%e1%83%93%e1%83%a6%e1%83%98%e1%83%a1-%e1%83%a4%e1%83%9d%e1%83%a2%e1%83%9d%e1%83%94%e1%83%91%e1%83%98-3/ ]]>